Догъма Керич дживарындаки Коп Такъыл коюнден олгъан Феруде Керимова дженк вакътында бабасыз къалып, сюргюнлик ёлларында эляк олмагъа меджбур эди. Анасы кучю олгъаны къадар озюни аджымай, баллары сагъ къалмасына курешти. Амма бунъа бакъмадан, гъарип къадын дешетли фаджиа нетиджесинде бир эвлядындан айырылды. Чокъ йыллар девамында гъурбетликте Ана-Ватанына асрет чеккен Феруде-бита 1979 сенеси аилесинен Къырымгъа къайтмагъа тырыша.Тувгъан еринде ерлешмеге чаре тапалмай, Крымск шеэрине кочелер. Ватангъа Феруде Керимова балаларынен берабер 1991 сенеси авдет эте ве Еди Къую районынынъ Акъкозь коюнде ерлеше.