Subiye Nalbandova – qırımtatar televideniyesiniñ efsanesi

Subiye Nalbandova – istidatlı oca, alıp barıcı, muzıkant. Aktörlıq zenaatını menisedi, amma bilgilerini başqa saaada tadbiq etti. Subiye hanım muzıka ocası oldı. Qırımğa qaytıp kelgen soñ ise olacaq aktörlarnen sana nutqı boyunca meşğuliyetler keçirdi. O studentler arasında onıñ oğlu, endi belli aktör Ahtem Seitablayev de bar edi. Qırımtatar medeniyetiniñ tarihına Subiye Nalbandova birinci bala teleprogrammasınıñ müellifi olaraq kirdi. Bügün Subiye hanım öz doğğan kününi qayd ete.